Ang aking mga Natutunan!

                  Noong ika-4 ng oktubre (martes ), tinalakay samin ni Ginang Mixto ang mga Elemento at Hakbang sa paggawa ng   Movie Trailer. Nagpakita rin sya ng mga halimbawa nito. Pagkatapos, pinayuhan kami ni Gng Mixto na kailangan ang gagawin naming movie trailer ay sumasalamin sa kultura ng Kanlurang Asya at dapat may mapupulot na  aral.     

                   Noong ika-5 ng oktubre (miyerkules),  nagkaroon kami ng isang Gawain ang pamagat ay Hulaan. Sinagutan namin ang bawat tanong na tungkol sa bansang India. Sa gawaing iyon natutunan ko na na tawag pala sa pagbati ng mga Hindu ay Namaste. Natutunan ko rin na ayon sa pilosopiya ng India, ang  ang mga may anking Kagandahan , Katalinuhan at Kumikilos na angkop sa lipunan ay pinagpapala ng Diyos.  

                   Noong ika -6 ng oktubre (huwebes), binasa namin ang Epikong Rama at Sita. Para sakin ang akdang ito ay puno ng kabayanihan, kababalaghan at pagmamahalan. Kabayanihan, sapagkat mayrong mga pangyayari sa epiko na nililigtas nina Rama at Lakshamanan si sita   laban kina Ravana at Surpanaka, na mga demonyo at higante. Kababalaghan, kasi si Ravana at Surpanaka ay mga demonyo at higante, at si Maritsa ay may galling na magbago ng anyo at hugis. Pagmamahalan, naman dahil kahit na may inalok na magagandang bagay kina Rama at Sita kapalit ng kanilang pag-ibig ay hindi sila pumayag. Nagpapatunay ito na mahal na mahal nila ang isat isa.

                   Noong ika-7  naman ng oktubre (biyernes),  hindi nakapasok sa amin si Ginang Mixto. Ngunit inatasan naman nya si Binibining Basbas na magturo muna samin.Ang unang pinagawa samin ni bb. Basbas ay ang pagbuod ng epikong Rama at Sita. Pagkatapos binigyan nya kami ng maikling pagsusulit tungkol sa epiko.